عني انا لو قررت اني اخليكي مدام مش انسه هلاقي حاجه اعملها ولا هلاقي المهمه تمت بنجاح
شمس بصتله بزهول.. وضربتو قلم خفيف بايدها الصغيره بطريقه سريعه وقالت ..ومين قالك هاسمح لك تلمسني اصلا
سراج اتنرفز وشد دراعها ورا ضهرها وقال.. تضربي مين يا معفنه بتضربي مين يا بت
شمس قالت بالم …اي ..اي دراعي سبني والله هاصوت والم عليك البيت كله
في الوقت ده الباب خبط وسراج دفعها بضيق وراح فتح وكانت ملاك قالت بفرحه بابي صباح الخير
سراج ابتسم وشالها وقال ..حبيبه قلب بابي صباح الهنا كله
شمس اتقدمت عليها وقالت كوكي صباحك قمر
ملاك قالت بفرحه … مامي حبيبتي انا مبسوطه انك معايا
سراج اتنهد بضيق وقال… انزلي يا حبيبتي استنيني على الفطار مع جدو وانا ومامي جايين وراكي على طول في حاجه صغننه هقولها لها ماشي
ملاك قالت ماشي وباست شمس وليه هتنزل
سراج قال..استني يا بت ..مفيش بوسه لبابي ولا ايه
ملاك ضحكت وباستو وقالت لا فيه..و فيه واحده لجدو كمان
ضحك وقال طب يلا روحي اديله البوسه بتاعته واستنيني على الفطار
ملاك نزلت وسراج بص لشمس بغضب وقال… عاجبك كده اتفضلي حلي اللي هببتيه ده
شمس قالت …وانا هحل ايه هقول لها ايه يعني البنت فضلت وتقول لي مامي مامي وكانت بتبكي هعمل لها ايه ازاي يعني هقنعها ان انا مش امها ..كان المفروض عليك انت تحلها من قبل ما انا اجي مش تورطني وبعد كده تزعل
سراج داس على اسنانه بغضب وقرب منها وقال بطريقه مخيفه … اصبري عليا انا هربيكي على عمايلك دي وحط ايده على خده وقال مش هنساه.. استني عليا
شمس بلعت ريقها بخوف وفالت…بس الصلاه على النبي… انت بس علشان لسه ما فطرتش دلوقتي اول ما تاكل هتلاقي نفسك بقيت زي الفل.. يلا بينا
سراج بصلها بغضب ومشي ورزع الباب وسمس اتنفضت من خبطة الباب واتنهدت ..و دخلت اخذت شاور ولبست اول حاجه قابلتها ونزلت وراه
سراج كان قاعد مع ابوه وملاك و بيفطروا ويهزرو… ونزلت شمس وقالت بمرح صباح الخير
الكل بصلها بزهول والتسعت عينيهم بشده من لبسها كانت لابسه شورت جينز قصير جدا وتوب قصير… شمس بصت لهم باستغراب وقالت في ايه مالكم
ملاك قالت …ايه اللي نزلتي بيه ده يا مامي ليه مكملتيش لبس
شمس بصت لنفسها وقالت..مالو اللبس ما عجبكوش ولا ايه ده براند على فكره
سراج غمض عنيه بغضب شديد وقال …براند اه
طب عن اذنكم ثانيه واحده …وشدها من ايدها وطلع بيها بغضب شديد على الاوضه
ول ما دخلو الاوضه قالت ايدي يا ابني هتكسرها ايه حكايتك في ايه
قال بغضب …في ايه مش شايفه في ايه …ايه اللي لابساه ده يا هانم وقدام البنت الصغيره وقدام ابويا ونازله بيه تتمخطري انت عايز تجننيني عايزه تمشيني من غير عقل
بصتله وقالت .انا مش فاهمه في ايه ماله اللبس يعني
قال بغضب… ماله.. ده اختك كانت تتكسف تلبسهولي بيني وبينها وانتي نازله بيه قدام الخدم وقدام الناس
شمس قالت… اااااه قصدك قصير يعني طيب انا هعمل لك ايه ما انا قلت لك ان ده وكلة كده والله
سراج قال بغضب … يبقى تترزعي هنا وما تنزليش من هنا لحد ما ابعت اجيب لك سمعتي
شمس اتنفضت بخوف من صوته وقالت ..والله سمعت انت بتزعق ليه هو انا انطرشت
سراج عمل مكالمه للحارس بتاعه وبعته يجيبله من كل الانواع علشانها
شمس قعدت بحزن على السرير وقالت.. يا خساره انا اشتريتهم انا وجايه على طول دفعت فيهم فلوس كتير قوي اوف على حظي
سراج بصلها بدهشه وقال… كمان.. كمان اشترتيهم وانتي وجايه هنا ربنا يهديكي..هيه مامتك ما قالتلكش على ظروف الحياه هنا
شمس اتنهدت وقالت..ماما مش بتقول حاجه غير انها مطلعاكم هنا شياطين.. ما استحملتش تفضل مع بابا هنا واتطلقوا بسبب الحكايه دي بتقول انه هنا متخلفين وكده يعني
سراج قعد وقال ..مسمهوش تخلف اسمها نخوه ..اسمها ايه
شمس قالت… اوكي ماشي نخوه واتنهدت وقالت بدموع… اهي النخوه دي هي اللي خلتني انا واختي ما نشوفش بعض ابدا وماتت من غير ما اودعها
سراج اتنهد بحزن عليها وقال… بس هي كانت بتحبك كانت بتحبك قوي يا شمس حتى لو متقابلتوش
شمس بصتله بدموع وقالت كانت تحبك انت كمان وبصراحه عندها حق تحبك
سراج اندهش من اللي قالته وبصلها شويه وركز في ملامحها الجميله
شمس تاهت جدا في عيونه وضعفت قوي وقربت منه بلاوعي وقالت بهمس..انت تتحب..تتحب قوي
سراج اتخدر من همساتها قدام وعنيها الي بتقتلو وشمس من برقه شديده
سراج غمض عينيه واستسلم للحظه دي ولجمال قربها شدها عليه بقوه بوسه قويه جدا وهي حاوطت رقبته بايديها قطعها صوت تليفونه فبعد عنها و دفعها بقوه ووقف بسرعه وهو بيبصلها بذهول منها ومن نفسه
وقال بغضب وارتباك…لا واضح بتحبيها.. انتي لو فارقه معاكي اختك كنتي خدتي بالك من الشبه الكبير اللي بينك وبينها وفهمتي ان اي حاجه انا بعملها ببقى قاصدها هيه وبيبقى اشتياق ليها مش اكتر.. كان المفروض انتي اللي تمنعيني لو ضعفت وقربتلك مش انتي اللي تبادري ..انا قلت لك الكلام ده انا كنت حاسس من اول يوم ان انتي قاصده تلعبي على الوتر الحساس فاكره انك كده هتوقعيني في غرامك…انسي انا بحب شهيره ومش هحب غيرهاوو
