جايه ليه..عايزه تاخدي مكانها في سريري كمان زي ما اخدتي مكانها عند بنتها
شمس اتصدمت بشده من الي قالو وقالت بغضب..ايه الوقاحه دي.. انت ازاي بتكلمني كده
سراج بصلها بغضب شديد وقرب عليها وقال بغضب…قلت حاجه غير الحقيقه احنا مش اتفقنا انك هتتعاملي معاها على انك خالتها وهتفهميها انك تشبهي امها بس مش اكثر..ليه قولتيلها انك امها..اذا فاكره انك باللي بتعمليه ده ممكن تاخدي مكان شهيره تبقي غلطانه لان انتوا اللي بينكم هو الشكل بس وده شيء ميهمنيش ابدا
شمس اتصدمت من كلامو ونزلت دموعها وقالت انت قصدك ان انا بحاول اخد مكان اختي ضحكت بسخريه وقالت ..يا سلام ..بقى انابحاول اصتادك يعني انت انت سامع نفسك بتقول ايه..واخدت نفس وقالت على العموم..انا مقدره وضعك وصدمتك بالتشابه الي بنا ووجعك على مراتك لولا كده كان بقالي تصرف تاني
قالت كده ولسه هتمشي شدها من دراعها بغضب وقال…انا لما اكون بكلمك تقفي تسمعيني..انا قولتلك ايه على الطريق
اتنهدت بضيق وقالت..ايدك لو سمحت ..اياك تلمسني
سراج ضحك بسخريه وبصلها وقال..لا بجد
وبقى يتقدم عليها بغضب وقال…يعني انتي مش عيزاني المسك ولا اقربلك..ولا عملتي كده بقصد..ونيتك بريئه جدا وجايه تربي بنت اختك ده ايه الكرم ده كلو …وبصلها بغضب وقال…اقدر افهم اذا كده..حضرتك هنا بتعملي ايه..في اوضتي
شمس بصتلو بضيق شديد وقالت…يمكن مثلا
سراج بصلها بغضب وقال..ومنمتيش معاها ليه..جايه هنا بتهببي ايه
شمس خدت نفسها بغضب وقالت..استاذ سراج…احنا اتجوزنا..تمام سواء لتقبلت الفكره او لا فده الامر الواقع..واهلي وافقو بصعوبه على اساس انو هيبقى جواز طبيعي..فلازم معلش حضرتك تستحمل وتتأقلم عل جودي معاك..ومتقلقش انا معنديش اي نيه اني اطور علاقتي معاك او افكر في حاجه من الي في دماغك ..وبصتلو من فوق لتحت باستهزاء وقالت…مفيش فيك حاجه مبهره للدرجه علشان اتعب نفسي في المحاوله
قالت كده وسابتو واتوجهت للحمام
سراج قال بغضب ….ولو حاولتي مية سنه…مش هتعرفي تبقى زيها
بصتلو بيأس وقالت…انت مريض …بجد …ربنا رحمها
قالت كده وسابتو واقف بغيظ شديد وضرب رجلو في الكنبه بغضب واتألم جدا وقعد بالم
سراج اتنهد وحاول يهدى وغير بيتي عباره عن بنطلون قطني وتيشرت ضيق وكان شكلو وسيم جدا اترمى على الكنبه وبقى يفكر في ملامح شهيره قد ايه اتألم انهارده لما شاف اختها صورة طبق الاصل ليها بس بان الغضب على ملامحو لما افتكر شمس بنسبالو مستفزه جدا ومش شبه شهيره غير في الشكل وهو وسط افكارو طلعت من الحمام وبقت تنشف شعرها
بقلم زهرة الربيع
سراج التفت لها لفته سريعه واتصدم لما لقاها لابسه برنس قصير جدا وبتنشف شعرها وكانت مغريه جدا بدون مكياج وبششرتها صافيه والملامح اللي بيعشقها والعيون الي داب في هواهم بلع ريقه وغمض عنيه وقال في نفسو يا صبر ايوب يا رب.. واتنهد وقال..ممكن افهم ايه المنظر ده ازاي طالعه كده وعارفه اني موجود
شمس ضحكت بقوه وقالت…وفيها ايه ده برنس استحمام هو انا طالعه عريانه ضحكتني قوي الصراحه هو انا خارجه قدام طفل يا ابني فيه ايه ما اتخليك في حالك وتسبني على راحتي.
سراج وقف وقال بغضب..ده الي هو ازاي يعني.. اسيبك علي راحتك رايحه جايه قدامي بالمنظر ده هو انتي بتستعبطي ولا عبيطه
نفخت بغضب منو وقالت… اووووف خلصنا خلاص هلبس اهوه متخنقنيش وبتفك الحزام بتاع البرنس جري عليها وحط ايده على ايدها بيمنعها وهيه اتخبطت في الدولاب وراها وقالت …ايه.. فيه ايه
سراج قال بزهول.. فيه ايه..انتي..انتي كنتي هتعملي ايه
بصتلو باستغراب وقالت…هعمل ايه يعني مش عاجبك البرنس وهغيرو
رغم زهوله وغضبه لكن كان عايز يضحك على الجمله قال..مش عاجبني البرنس فهتقلعيه خالص..وقدامي
شمس كانت بتبصلو باستغراب وقالت..ااااه…فهمتك…طب ياسيدي متبصش ..يعني انا هطلع البس في اوضه تانيه مثلا
سراج قال بغضب..انتي عبيطه يا بت انتي ..تقلعي ملط قدامي ومبصش..ليه بيجري في عروقي كركاديه
ضحكت بقوه وقالت..ااااه تمام..وزاحت شعرها لورا بطريقه مغريه وقالت..الموضوع صعب بصراحه انا اتعب اي حد
وضحكت ولسه هتمشي شدها بقوه وقال…استني…ومن هنا ورايح تاخدي في الحمام بلاش قلة ادب لاخر مره هقولك ولاعشره زيك ينسوني مراتي اصلا بكل حركاتك دي متهزيش شعره فيا …يلا روحي
بس اتفاجأه بشده لما قربت منو جامد وحاوطت رقبتو باديها وقالت….انا بحب اغير بره…بحب اخد راحتي..ولو الموضوع تعبك جامد يعني ومش هتقدر تقاوم…عادي احنا كتبنا الكتاب
سراج اتصدم بشده ووووو
لو الموضوع تعبك جامد يعني ومش هتقدر تقاوم…عادي احنا كتبنا الكتاب
سراح استغرب ومكانش فاهم بتعمل ايه وهيه قالت بضحك لا على فكره واضح جدا ان لا انا ولا عشره زيي ينسوك مراتك..وواضح اني محركش شعره منك…على العموم..حبيت اثبتلك بس يا سيد مغرور ..اني لو فعلا بستدرجك او حابه تنشأ بنا علاقه اقدر اعمل كده بسهوله بس زي ما قولتلك ..انت مش عاجبني
سراج غمض عنيه بغضب ولعن نفسو انو ادالها الفرصه انها تلعب بيه كده اتوجه ناحية الباب بغضب
قالت بضحك.. هتروح فين دلوقت
سراج قال بغضب…ماشي هنام بره..انا مش هفضل معاكي في مكان واحد
ضحكت وقالت..معاك حق الصراحه انا اطير العقل..بس برضو لو نزلت دلوقتي وبقيت تبات بره منظرك هيبقى ازاي قدام الخدم وبباك..على فكره هتبقى كيكه اوي
بصلها ورفع حااجب وقال..كيكه
قالت ..اممم..مش انتو في مصر بتقولو على الراجل الي مش تمام كيكه
بصلها بضيق وسخريه وقال..اممم..بنقول عليه كيكه وبنسقطه مع كبايه شاي بلبن على الصبح..اسمها خيخه ..خي خه
شمس ضحكت وقالت..طيب مبعدتش كتير يعني هتنبسط لو بقيت خيخه ده انت لو بقيت كيكه احسن
سراج مردش عليها ولسه هيطلع فكر في كلامها اتنهد وحط ايده على رقبتو بحرج وقال..احم..هو فعلا مش هينفع..انا..انا هبات هنا وخلاص وبصلها بتحزير وقال..وانتي قومي غيري المسخره دي وال يلا..واياك تقربي مني تاتي سامعه
شمس ضحكت وقالت..حاضر متقلقش مني عمري ما هعمل حاجه غصب عنك يا قطه وضحكت جامد واخدت ودخلت الحمام
