سجدة التلاوة لاصحاب الاعذار

3

سجدة التلاوة لاصحاب الاعذار

انشغلوا بنفسكم بسسسس في رمضان حاولوا تنجوا وتعتقوا رقابكم من النار خلوا ده شغلكم الشاغل في رمضان … حبيبكم النبي قال في الحديث ( … ورَغِمَ أنفُ رجلٍ دخلَ علَيهِ رمضانُ ثمَّ انسلخَ قبلَ أن يُغفَرَ لَهُ …. ) ماتضيعوش لحظة واحدة لأي حد تاني وما تؤثروش حد بحسناتكم ماحدش هينفعكم … خليكوا أنانيين في رمضان احتفظوا بحسناتكم وجمعوها وكتروها وما تبصوش غير لنفسكم في رمضان … وماحدش يتلكك ويقول صلة الرحم وإطعام طعام وأجر إفطار صائم

عزومات الأهل والحبايب مش صلة دي اسمها مكافأة والنبي صلى الله عليه وسلم قال ( ليسَ الواصِلُ بالمُكافِئِ، ولَكِنِ الواصِلُ الذي إذا قُطِعَتْ رَحِمُهُ وصَلَها ) … الصلة اللي مفروض نعملها في رمضان وتكون بطريقة تانية غير العزومات وتضييع الوقت هي صلة شخص انقطعت رحمه أو أوشكت لكن غير كدة ما اسمهاش صلة ومالهاش لزوم في رمضان … ما أروحش أعزم أختي اللي بكلمها عشر مرات في اليوم وأقول صلة !!!! ما أروحش أعزم العيلة وعيلة العيلة وأنا ينفع أكلمهم في التليفون أسأل عنهم وأقول العزومة صلة رحم !!!!! وإطعام الطعام وإفطار الصائم ده مش ممكن يتعمل للفقير المحتاج وجبة زيادة مع أكلكم العادي وتاخدوا ثواب أكبر وربنا هيباركلكم في وقتكم وجهدكم وفلوسكم؟! ولا لازم نفطر ناس غنية في عزومة كبيرة تضيعلنا وقتنا الثمين جداً في رمضان لولا يتحسبلنا إفطار صائم ؟!!!

في العيد بقى ابقوا اخربوها عزومات وقعدات وحكايات و صِلات ولعب وأكل وكل ماهو مباح ووسعوا على حبايبكم وأهلكم زي مانتوا عاوزين هو ده الدين … رمضان للعبادة والاجتهاد وجمع الحسنات والعيد للأكل والشرب واللعب والفرح واللمة مش نعمل العكس رمضان نضيعه في اللمة والعزومات وعالعيد ننام أو نزور المقابر