زوجات حسام حسن
أنا زعلانة والله على الي بيحصل لك يا كابتن حسام ولما بنقول حافظ على صورتك ده لأنك كابتن منتخب مصر …
زوجة حسام حسن دان اتخانقت مع زوجته الأولى في بورتو مارينا ، وتطور الأمر إلى اشتباك بالأيدي بينهم ثم اشتباك بين الناس الي حاولت تفض الخناقة ، مما أصاب رواد المكان بالذعر … وانتهى الأمر بطلب النجدة وسقوط حسام مغشياً عليه وطلب الإسعاف له .
دان زوجة حسام قالت إنهم حضروا حفل محمد رمضان، ورجعوا قعدوا في فندق بورتو ، وبنات حسام حسن ضربوها في ضهرها ودلقوا القهوة سخنة مولعة على وشها ، وجابوها من شعرها وسحلوها من أول الكافيه لآخره وضربوا عيالها الي المفروض إنهم اخواتهم …
بصراحة أصبحتم ضيوفاً دائمين على البرامج وفي ڤيديوهات المطاعم والقرى السياحية وكل موقع عمال يجري يصور احتفاليات اعياد الميلاد ، وحسام غنى ايه ، وبص لي وانت بتتكلم … لازم الأمر ينتهي بهذا الشكل المؤسف بعد ما تم استضافة الزوجة الثانية والطليقة أو الزوجة الأولى بشكل مكثف في البرامج التلفزيونية أثناء فعاليات كأس العالم وكل واحدة فيهم كانت بتستفز التانية ، فكان لازم دي تكون النهاية لما يتقابلوا ويجمعهم مكان واحد .
قليل من الخصوصية يا كابتن حسام مش كده ، ده كل الأخبار بتكتب عنك لأنك المدير الفني للمنتخب الوطني .. عيب يا كابتن حسام دي سمعة مصر كلها مش بس خصوصيات بيتك وحياتك .
“ضربوني وسحبوني من شعري وحسام كان واقف مش عارف يتصرف ووقع من طوله من المنظر”.. دان زوجة حسان حسن بتحكي تفاصيل خناقتها مع زوجة حسام حسن الأولي، وقالت:
أنا قاعده في فندق ف بورتو مارينا وكنت في حفلة محمد رمضان خلصنا الحفلة ورجعنا انا وحسام والعيال وقعدنا تحت عالمشاية عشان كنا بنحتفل بعيد ملاده الـ ٦٠ , فجأة لقيت أتنين جايين لي من يميني بيضـ..ربوني في ضهري ببص لقيتهم بنات طليقته الصغيريين ، وأبنه وبنته الكبار هايدي جايين من الناحيه التانيه راحوا ماسكين فنجان القهوة مولع ودلقوه في وشي قومت نطيت وصرخت من كتر السخونية علي وشي
بعدها بنته الكبيرة شدتني من شعري وسحلوني زي ما باين في الفيديو.. سحبوني من أول الكراسي لحد أخر الكافية , حسام واقف ياعيني في وسطنا مش عارف يعمل ايه يلحق مراته ولا يمسك ف عياله ولا يعمل ايه بظبط لحد ماوقع من طوله وخدوه ودوه المستشفي
كل اللي حصل دا وطليقته هويدا الغرباوي اللهي ينتقم منها مظهرتش.. أنا خدت بوكسات وشلاليط , وضربوا كمان عيالي الي هما المفروض أخواتهم , فأنا جريت عالعيال ومسكت العيال وحوشتهم من وسطهم , وصحاب الكافية أتصلوا بالنجدة ووصلوا.. وبعد ما وصلوا قالوا مفيش حاجه احنا مش عايزين نعمل محضر خلاص.. محضر ايه هو مين المفروض يعمل محضر؟
