قصة : بنتي “نور” فضلت واقفة في المطبخ 3 أيام

أمي رفعت إيدها بقلة حيلة مكناش نعرف إنها عاملة العزومة دي كلها!.
قولتلها عشان ماكلفوش خاطركم تسألوا.. ببساطة غيرتوا الخطة وخرجتوها منها ولا كأنها موجودة.
أمي بصت ل نور پغضب وقالتلها طب ماقولتيش ليه يا ست هانم.
نور عينيها وسعت وقالت بصوت مهزوز أنا.. أنا مكنتش فاكرة إني لازم أقول.
الجو في الأوضة كان مكهرب وتخنق.
بابا اتنهد وقال يا أمل.. مزيد من القصص على موقع أيام نيوز إحنا جينا عشان البوست اللي كتبتيه خلانا فرجة للناس.. الكل فاكر إننا رمينا حفيدتنا وتخلينا عنها. بصيت في عينيه مباشرة وقولتله ما أنتو تخليتوا عنها فعلا. الكلمة نزلت عليهم زي جردل مياه ساقعة. هنا أمي اڼفجرت أنا مش هقبل شغل الابتزاز العاطفي ده من عيلتي! أنتي أحرجتينا وفرجتي علينا الخلق!.

قربت منها خطوة وقولت أنا اللي أحرجتكم أنتو لغيتوا حفلة حفيدتكم طبختها بإيديها من غير سابق إنذار وقولتولها انتي مش معزومة.. هو ده الإحراج الحقيقي وقلة التقدير.
نور كانت بترمش بسرعة بتحاول تحوش دموعها. بابا بصلها لأول مرة من ساعة ما دخل وقال بصوت واطي نور.. يا بنتي.. إحنا آسفين.
أمي ضړبته في كتفه متعتذرش.. العشا كان للكبار فقط.
لفيت وشي لبنتي وقولتلها يا حبيبتي.. روحي استنيني في المطبخ.
هزت راسها ومشيت من سكات.
أول ما مشيت واجهت أهلي وقولتلهم أنتو وصلتوا لها إحساس إنها ولا حاجة.. بس الجيران والناس الغريبة حسسوها

بالعكس. الناس اللي جت امبارح قدروا تعبها وشكروها وحسسوها إنها متشافة وليها قيمة.
أمي ضيقت عينيها وقالت يعني أنتي عايزة مننا إيه دلوقتي. قولت بحزم
—
عايزة احترام.. لبنتي ولمجهودها ولطيبتها.
بابا بلع ريقه بصعوبة وسأل يا أمل.. هي بجد عملت كل ده لوحدها. قولتله كل طبق وكل لقمة.. وعملت ده عشان بتحبكم.
أمي سكتت لحظة.. ملامح الڠضب اللي على وشها اتهزت شوية بس رجعت نشفت تاني وقالت ماشي.. بس الحجز في المطعم كان اتعمل خلاص.

وقتها عرفت إنها مش ندمانة.. هي بس عايزة تفرض سيطرتها وتمشي كلمتها.
قولت بهدوء يا ماما.. لحد ما تتعلمي تحترمي بنتي ملكيش مكان هنا ولا مسموح لك تشوفيها.
فتحت بقها من الصدمة أنتي بتطردينا مش مرحب بينا في بيتك.
مش النهاردة.
بابا همس يا أمل أرجوكي.
بس أنا فتحت باب الشـ,ـقة وقولت أعتقد إنكم لازم تمشوا.
أمي خرجت وهي بتدبدب في الأرض من الغيظ. بابا وقف محتار شكله كان مقسوم نصين بس في الآخر مشي وراها.
أول ما الباب اتقفل أخدت نفس طويل وطلعت الهوا كله پخوف ورعشة.
نور طلعت راسها من المطبخ هم مشيوا.
أيوة.

قربت مني ببطء وصوتها بيترعش هو اللي حصل ده بسببي.
خدتها في حضڼي جامد وقولتلها يا روحي.. ولا حاجة من دي غلطتك. ولأول مرة من سنين حسيت إني خلصت.. بطلت أخلي أهلي هما اللي يحددوا يعني إيه عيلة.
في الأيام اللي بعدها توابع اللي حصل كبرت أكتر مما تخيلت.
الخبر انتشر في الحي بتاعنا بسرعة خصوصا إن جيران كتير من اللي أكلوا من ايد نور نزلوا بوستات وشيروا القصة. مش عشان يفضحوا حد لأ بامتنان حقيقي. نزلوا صور الأطباق اللي نور عملتها وقعدوا يشكروا في شطارتها وكرم أخلاقها.
الكومنتات كانت بتنهال
دي بتطبخ أحلى من أكبر المطاعم.

قولي لبنتك إن أكلها هو اللي صنع يومي.
البنت دي ليها مستقبل يبهر.
نور كانت بتقرأ الرسايل وعينيها مبرقة من الذهول ماما.. هما بجد حبوا الأكل.
صححت لها دول عشقوه.
وشها نور من الفرحة.
بس طبعا مش كله كان مبسوط.
أمي بعتتلي رسالة طويلة عريضة بتتهمني إني بتاعة دراما وبجرس العيلة وبقلب الغريب عليهم.
مردتش عليها.